Dardmand E ishq haiN, gham se na ghabraayeNge hum
Shaairy karte raheNge!! aur mar jaayeNge hum
Hum to deewaane haiN humko maslehat se kya Gharaz
Apni chaadar se bhi zeyaadaa, paaoN phailayeNge hum
Ishq ki barbaadiyaaN, Qismat se hoti haiN naseeb!!
Jis qadar bigReNge utnaa hi saNwar jaayeNge hum
HoshiyaaroN ko mubaarak teri mahfil ae Khirad!!
Subh aayeNge tere dar par na shaam aayeNge hum
Apne aaNsoo hi jawaab E purshish E ahwaal haiN
Khud nahi samjhe to kya auroN ko samjhaayeNge hum
Ab ke phir barsaat meN ganj E shaheedaaN par chaleN
AasmaaN royegaa aur apni ghazal gaayeNge hum
Urdu Ghazals • Urdu Poetry • Shairy in Urdu 
kaleja tham lo roodad-e-gham ham ko sunane do
tumhein dukha hua dil ham dikhate hain dikhane do
usi ke dam se thodi roshni hai khana-e-dil mein
bujhate kyun ho sham-e-aarzoo ko jhilmilane do
usi se tum kisee ke zulf ki roodad sun lena
udhar dekho wo dewana chala aata hai aane do
suna hai ishq ka meraj pinhaN hai shahadat me
chhuri lao mujhe bhi apni kismat aajmane do
na dagh aayega apne daaman-e-husn-e-tabiyat per
wafa per mere jo tohmat lagate hain lagane do
zamana sabr kar leta hai Aajiz ham bhi kar lenge
khalish dil ki mita lene ke do ansoo bahane do
haqiiqatoN kaa jalaal deNge, sadaaqatoN kaa jamaal deNge
tujhe bhi ham ai! Gham-e-zamanaa, Ghazal ke saaNche meN Dhaal deNge
tapish patangoN ki bakhsh deNge, lahuu chiraaghoN meN Dhaal deNge
ham unki mehfil meN raH gaye haiN, tau unki mehfil sambhaal deNge
na bandaa-e- aql-o-hosh deNge, na ahle fiqr-o-khayaal deNge
tumhaarii zulfoN ko jo daraazee tumhaare aashuftaa haal deNge
ye aql waale isii tarah se hameN fareb-e-kamaal deNge
junuuN ke daaman se phuul chun kar, Khirad ke daaman meN Daal deNge
jis par bhi jawaani aati aur thora jamal aa jata hai,
mat pooch sitamgari mein usay kis darja kamal aa jata hai
darya-e-ghazal ke thehray huay maujon mein ubaal aa jata hai,
who tanz jab hum pe karte hain humko bhi jalal aa jata hai
hum bhi na karein kyoun tark-e-wafa aksar yeh khayal aa jata hai,
phir waz’a ki baat aa jati hai ghairat ka sawaal aa jata hai
jab koi naya gul khilta hai shayir ka kalaija hilta hai,
duniya ko ghazal mil jaati hai aur dil pe wabaal aa jata hai
ashkon ke musafir saff baandhay khamosh guzarne lagte hain
phir khwab kahan in aankhon mein jab un ka khayal aa jata hai
ab fasl-e-bahari aati hai ab fasl-e-bahari aati hai,
ek saal guzar jata hai yahin aur doosra saal aa jata hai
_________________
ki Muhammad se wafa tu ne to hum tere hain,
yeh jahan cheez hai kia, loh-o-qalam tere hain ..
chhuri jinke haathon se khaanaa parhe hai
ghazal bhi unheen ko sunaanaa parhe hai
tabiyat ko qaaboo mein laanaa parhe hai
utthe hai kahaan gham, uthaanaa parhe hai
kuch aasaan naheen mansab-e-surkh’ruee
kaee baar maqtal mein jaanaa parhe hai
na aa dardmandon ki mehfil mein pyaare
yahaan umr bhar dil jalaana parhe hai
aala
MERI LAEY SE LAEY WO MILAYENGE KYA
JO ROYEY NAHIIN HAIN WO GAYENGE KYA
KHIZAAN MEIN NA AYA TARAPNA JINHEIN
BAHARON MEI WO MUSKURAYEN GE KYA
MHOABBAT HI JAB DARMEYAN MEIN NAHIN
WO AAEIN GE KYA HAM BULAIN GE KYA
SAB JAFA SAB SITAM BHOOL JAATE
TUM BULATE TO KYA HAM NA AATE
GHAM NE GANA BAJANA SIKHAYA
JAAN DEYDEGEN GAATE BAJATE
AYE KASH KALLM AATA, EK GEET SUNA JAATA
DIL/GEE APNA BAHAL JAATA ,KAMBAKHT KA KYA JATA
PUCHO HO JO TUM HAMSE RONEY KA SABAB PYAREY
HAM KAAHEY NAHIIN KAHTEY GAR HAM SE KAHA JAATA
GUZRI HAI KUCH HAM PE GAR TUM PAR GUZAR JAATI
TUM HAM SE AGAR KAHTEY HAM SE NA SUNA JATA
DIL DARD KI BHATHTHI MEIN KAII BAAR JALEY HAI
TAB EK GHAZAL HUSN KE SANCHEY MEIN DHALEY HAI
JUDA JAB TAK TERI ZULFON SE PAECHO-KHAM NAHIIN HONGE
SITAM DUNIA MEIN BADHTEY HI RAHENGE KAM NAHIIN HONGE
ZAMAANA QADR KAR! HAAN QADR KAR HUM KAJ KULAAHON KI
KE PAIDA IS NAMUNEY KEY JAWAN HAR DAM NAHIIN HONGE
please add these ghazals of Kalim Ajiz sahab also.
Sibghat bhai, aap ki bheji hui pahli ghazal main ne aaj post ki hai. Baqui dusri bhi insha allah baari baari mere blog par hongii. aap ka behad shukriya k aap ne yeh qeemti ghazlein bhejin
بے حد عمدہ کلام۔ ۔ ۔